“FIBA women’s Asia Cup”-ийн  “B” дивизонд өрсөлдөх Монгол Улсын шигшээ баг бэлтгэлээ “Уран ган” бэлтгэлийн төвд хийлээ. Сагсан бөмбөгийн Азийн цомын аварга шалгаруулах тэмцээн наймдугаар сарын13-19-ний өдрүүдэд Тайланд Улсын Бангкок хотноо болно. Манай улс Малайз, Иран, Индонез улсуудтай “А” хэсэгт орсон. Харин “B” хэсэгт Казахстан, Йордан, Тайланд, Шри-Ланк улсууд өрсөлдөх юм.

              Үндэсний эмэгтэй шигшээ баг долдугаар сарын 24-ний өдрөөс эхлэн БНХАУ-ын шигшээ багийн бэлтгэлийн баазад долоо хоногийн хамтарсан бэлтгэл хийнэ. Манай эмэгтэй багийн ахлах дасгалжуулагч М.Амаржаргал, туслах дасгалжуулагчаар Б.Алтанзаяа, Г.Ундрах, З.Цолмон, хөдөлгөөн засалчаар Б.Тамир ажиллаж байна.