Монголын хүүхдийн спортын VII их наадмын самбо бөхийн тэмцээн эхэллээ. Самбо бөхийн тэмцээнд 21 аймаг, нийслэлийн зургаан дүүргийн 270 гаруй тамирчин оролцож байна. Эхний өдөр хөвгүүдийн 46 кг, 49 кг, 53 кг, 58 кг, 64 кг, охидын 41 кг, 44 кг, 47 кг, 50 кг, 54 кг гэсэн арван жингийн барилдаан болох юм байна.

           Тэмцээнд энэ сарын эхээр Астана хотод болсон өсвөр үеийн Азийн аварга Б.Даваасайхан (Сонгинохайрхан дүүрэг), дэд аварга Я.Энхчимэг (Сүхбаатар дүүрэг), 2022 оны сурагчдын Азийн аварга Н.Ундрахбаяр (Төв аймаг ), хүрэл медальт Г.Энхжин (Баянзүрх дүүрэг) тэргүүтэй шилдэг тамирчид оролцож байна.