Америкийн үндэсний сагсан бөмбөгийн холбооноос коронавирусийн холбоотойгоор багуудад тулгарсан санхүүгийн асуудалд туслах зорилгоор баг тус бүр 30 сая ам.доллар бэлнээр тарааж байгаа тухай “Sports Business” сэтгүүлийн сэтгүүлч Жон Ломбардо мэдээллээ. Тус мөнгөн туслалцааны 900 сая ам.долларыг лигийн зүгээс хувийн зах зээлийнхээ эргэлтийг ашиглан бүрдүүлсэн ажээ.

       Гэвч тус мөнгөн туслалцааг бүх багууд гурваас дөрвөн жилийн хугацаанд багтаж, хүүтэй нь буцаан төлөх ёстой гэнэ. “ESPN”-ий тоймч Адриан Вожнаровский, Зак Лоу нарын үзэж буйгаар “Энэ байдлаараа лиг ирэх улирлын турш үзэгчгүй үргэжилбэл 40 гаруй хувийн алдагдал хүлээнэ” гэв.