Монголын Хүүхдийн спортын VII наадмын Хөнгөн атлетикийн тэмцээн Налайх дүүрэгт боллоо. Тус наадмын хөнгөн атлетикийн шигшээ тэмцээнд Дархан-Уул аймгийн БТСГ-ын баг, тамирчид зургаан алт, зургаан мөнгө, гурван хүрэл медальтайгаар тэргүүн байрт шалгарлаа. Хөвгүүдийн 200 м-ийн зайд 22.88 секунд цагийн амжилтаар “Од” цогцолбор сургуулийн 11-ийн “2” ангийн сурагч Баатарбекийн Бердаулет мөнгөн медаль хүртжээ. Охидын 100 м-ийн зайд “Од” цогцолбор сургуулийн сурагч Ганхуягийн Жаргалмаа мөнгөн медаль, 200 м-ийн зайд мөнгөн медаль, 4х100 м-ийн мөнгөн медаль тус тус хүртсэн байна. Хөвгүүдийн 3000 м-ийн зайд 1-р сургуулийн 11-ийн “Б” ангийн сурагч Сайнжаргалын Алтансүх аваргын алтан медаль хүртжээ. Ийнхүү Дарханы өсвөрийн хөнгөн атлетикчид 2015, 2019, 2023 онуудад гурван удаа дарааллан багаараа түрүүлж байна.