Монголын хүүхдийн спортын Vll их наадмын чөлөөт бөхийн төрөл зургаадугаар сарын 20-22-ны өдрүүдэд Номундалай сургуулийн зааланд эхэллээ. Тус төрөлд 18 аймаг, есөн дүүргийн 278 тамирчин өрсөлдөж байна. Өнөөдөр хөвгүүдийн 45, 51, 60, 71, 92 охидын 40, 46, 53, 61, 69 кг-ын жингүүд аваргуудаа тодруулах юм. Чөлөөт бөхийн төрөлд хамгийн олон тамирчинтай Төв аймаг 18, Баянзүрх дүүрэг 19 тамирчинтай өрсөлдөж байна. Тус тэмцээнд өнгөрсөн долоо хоногт Киргизстан улсад болсон 17 хүртэлх насны Азийн аварга шалгаруулах тэмцээний хүрэл медальт Сэлэнгэ аймгийн тамирчин Б.Занданбат, өнгөрсөн жилийн 17 хүртэлх насны Азийн аваргын мөнгөн медальт Төв аймгийн тамирчин Ү.Мөнхчимэг тэргүүтэй тамирчид өрсөлдөж байна.