Шатрын Ази тивийн аварга шалгаруулах 2023 тэмцээн зургадугаар сарын 3-12-ны өдрүүдэд Казакстан Улсын Алмата хотноо зохиогдож байна.Тэмцээн Алмата хотын Балуан шолак спорт цогцолборт явагдаж байгаа юм. Энэ жилийн тивийн аваргын тэмцээнд Үндэсний шигшээ багийн дасгалжуулагч С.Ган-одоор ахлуулсан манай зургаан шатарчин оролцож байгаа.

НЭЭЛТТЭЙ АНГИЛАЛД:

GM С.Билгүүн

GM Ц.Батчулуун

FM Э.Баасансүрэн

ЭМЭГТЭЙ АНГИЛАЛД:

IM Б.Мөнгөнтуул

WGM Т.Мөнхзул

WCM Х.Баясгалан

Блиц төрлийн тэмцээн зургадугаар сарын 3-ны өдөр явагдаж дүнгээ гаргасан бол үндсэн “СТАНДАРТ” төрлийн тэмцээн  Балуан шолак спорт цогцолборт эхэлж тамирчид эхний өргийн тоглолтоо хийцгээсэн. Эхний өрөгт 2019 оны Ази тивийн аварга шалгаруулах тэмцээний хүрэл медальт ЭИМ Т.Мөнхзул хожил авсан бол ИМ С.Билгүүн , ЭИМ Б.Мөнгөнтуул нар өрсөлдөгчидтэйгээ эвийн гэрээ байгуулж ФМ Э.Баасансүрэн, ДШХДМ Х.Баясгалан нарын залуу тоглогчид маань ялагдал хүлээсэн байна.