Боксын дэлхийн аварга шалгаруулах тэмцээн Узбекистаны нийслэл Ташкент хотод болж байгаа. Тус тэмцээний эрэгтэйчүүдийн 63.5 кг жинд Монгол Улсаа төлөөлөн оролцсон үндэсний шигшээ багийн ахлагч, “Алдар” спорт хорооны тамирчин, ОУХМ Б.Чинзориг мөнгөн медаль хүртлээ.

                  Тэрбээр дэлхийн аварга шалгаруулах тэмцээнээс мөнгөн медаль хүртсэн сэтгэгдлээ илэрхийлэхдээ “Дэлхийн аварга шалгаруулах тэмцээнээс мөнгөн медаль хүртлээ, баяртай байна. Финалын тэмцээнд таарч тоглосон Узбекистаны боксчтой дараа дараагийн тэмцээнд таарч, даагаа нэхэхийг хүсэж байна. Энэ хугацаанд намайг дэмжсэн Боксын холбооныхон, монголчууддаа маш их талархаж байна. Хайртай шүү, та бүхэндээ” гэж хэлмээр байна” гэсэн юм.