ОХУ-ын  Буриадын Улаан-Үд хотод болж буй XXV удаагийн “Байгаль Опен” олон улсын тэмцээнээс залуучуудын ДАШТ-ий хүрэл, Азийн аваргын мөнгөн медальт ОУХМ Бямбасүрэнгийн Бат-Эрдэнэ 86 кг-ын жинд мөнгөн медаль хүртэв. Тэрбээр шигшээ барилдаанд Красноярскийн Дмитрий Зайнидиновтой барилдсан бөгөөд 5:2-оор илүүрхэж яваад, 10 хүрэхгүй секунд үлдээд байхад дэвжээний захад давхар хамж яваад давуулж шидүүлж 5:6-гаар ялагдлаа. Манай бөх челленж шидэх боломж байгаагүй тул шүүгчид тун эргэлзээтэй шийдвэр гаргажээ.