Насанд хүрэгчдийн эрэгтэйчүүдийн боксын ДАШТ ирэх тавдугаар сарын 1-14-ний өдрүүдэд Узбекистан Улсын нийслэл Ташкент хотод болно. Энэ удаагийн ДАШТ одоогийн байдлаар 104 орны 640 боксчин 13 жинд өрсөлдөхөөр мэдүүлгээ өгсөн байна.

          ДАШТ-д ОХУ, Беларусийн тамирчид оролцож байгаа тул Барууны зарим орон бойкот зарлаад байгаа аж.  АНУ, Их Британи, Польш, Швейцарь, Нидерланд, Ирланд, Чех, Швед, Канад, Украины шигшээ баг уг тэмцээнд оролцохгүй гэдгээ мэдэгдээд байгаа. Тэмцээний мэдүүлгийг авах хугацааг энэ сарын 14 хүртэл сунгажээ.

          ДАШТ-ий шагналын сан 5.2 сая ам.доллар буюу нэлээн өндөрт тооцогдож байгаа юм. Дэлхийн аварга тамирчин 200, мөнгөн медальтан 100, хүрэл медальт 50 мянган ам.долларын шагнал гардах бололтой.