Энэтхэг Улсын Шинэ Дели хотод болсон XIII дахь удаагийн эмэгтэй боксчдын дэлхийн аварга шалгаруулах тэмцээнд баг тамирчид маань амжилттай оролцож эмэгтэйчүүдийн шигшээ баг анх удаа хоёр медаль хүртэж, багийн амжилтаараа 11 дүгээр байр эзэлсэн бахдам амжилт үзүүлсэн билээ.

        Монголын залуучуудын холбооны нарийн бичгийн дарга Г.Ганзориг медаль хүртсэн тамирчид болох М.Энхжаргал, Л.Алтанцэцэг нарыг хүлээн авч уулзлаа. Цаашид олимп, спортын салбарыг дэмжиж ажиллах санал солилцож, их спорт сонирхогч залуусыг идэвхжүүлэхэд хамтран ажиллахаар боллоо.