Олон улсын таэквондогийн монголын холбооны насанд хүрэгчдийн болон “Мастерс” ангиллын Монгол Улсын аварга шалгаруулах 28 дахь удаагийн тэмцээн эхэллээ. Тус холбооны энэ удаагийн УАШТ энэ сарын 1-2-ны өдрүүдэд Спортын төв ордонд явагдаж өндөрлөнө. Тэмцээний эхний өдөр хэсгийн тоглолтууд явагдах юм. Маргааш буюу дөрөвдүгээр сарын 2-ны өдөр тулаан, түль, хатуу биет хугалах төрлүүдийн финалын тоглолт, тулаанууд явагдана.