Туркийн Анаталья “Гранд слам” тэмцээний хоёр дахь өдрийн барилдаан үргэлжилж байна. Эрэгтэйчүүдийн 81 кг-ын жинд 57 бөх барилдаж байна. Манай залуу тамирчин Гэрэлтуяагийн Болор-Очир эхний тойрогт Испанийн тамирчин Alfonso Solana Urquiza-г яллаа. Тэрбээр хоёрдугаар тойргийн барилдаанд Английн Lachlan Moorheard-ийг буулган авлаа. Гуравдугаар тойрогт Азербайжаны нэрийн өмнөөс барилдаж буй дэлхийн аварга, олимпын мөнгөн медальт Сайд Моллайтай барилдана. Хэрэв Моллай аваргыг ялж чадвал "С" хэсгийн аваргын төлөө Нидерландын Frank De Wit-тэй барилдах юм.