Ази тивийн аварга шалгаруулах 3х3 сагсан бөмбөгийн тэмцээн Сингапур Улсад  үргэлжилж байна. Урьдчилсан шатны тоглолтууд өчигдөр дуусч, өнөөдрөөс хэсгийн үндсэн тоглолтууд эхэллээ. Манай эрэгтэй шигшээ хэсгийн эхний тоглолтоо Тайванийн эсрэг хийж, хүнд тулааны эцэст 21:19-өөр хожлоо.

       Манай 3х3 сагсны багт шинээр багтаад буй А.Ананд 10 оноогоор багаа тэргүүлсэн бол Д.Дэлгэрням найман оноо, есөн самбар авч, багийнхаа ялалтад чухал үүрэг гүйцэтгэв. Манай баг хэсгийн сүүлийн тоглолтоо өнөөдөр 19:55 цагаас талбайн эзэн Сингапурын эсрэг хийнэ. Харин эмэгтэйчүүдийн шигшээ Малайз, Шинэ Зеландын багтай нэг хэсэгт багтаад байгаа.