Олон улсын хөл бөмбөгийн холбооны өдрүүдээр (FIFA DAYS) Монголын үндэсний шигшээ баг түүхэндээ анх удаагаа Европ тивийн тэр дундаа Гүрж Улсын шигшээ багтай нөхөрсөг тоглолтыг өчигдөр Батуми хотын “Батуми арена”-д нь хийлээ.

      Италийн “Наполи” клубийн “Супер од” Хвича Кварацхелия тэргүүтэй Гүржийн шигшээ багт манай хөл бөмбөгчид 6:1-ээр хожигдлоо. Монголын шигшээ багаас цорын ганц, нэр төрийн нэг гоолыг тоглолтын 31 дэх минутад хагас хамгаалагч Б.Балжинням оруулсан байна.