Сонирхогчдын боксын эмэгтэйчүүдийн ДАШТ-ний хагас шигшээгийн тулаанууд боллоо. Эмэгтэйчүүдийн 48 кг-ын жинд хүрэл медалийн болзол хангаад байсан “Аврагч” спорт хорооны тамирчин ОУХМ Л.Алтанцэцэг хагас шигшээд буюу мөнгөн медалийн болзол хангах тулаанаа Марокко Улсын тамирчин 25 настай Ясмин Моуттакетэй хийж 5:0-ээр ялалт байгууллаа. Л.Алтанцэцэг маргааш Энэтхэгийн боксчинтой дэлхийн аваргын алтан медалийн төлөө өрсөлдөх эрхтэй боллоо.