Сагсан бөмбөгийн 3х3-ын дэлхийн цуврал тэмцээний нэг, оны дөрөв дэх их дуулга "Лозанн мастерс" Швейцарийн Лозанн хотод хоёр өдөр болж өндөрлөлөө. Дэлхийн шилдэг 14 баг оролцсон тус тэмцээнд “Улаанбаатар ММС Энержи” баг оролцон тоглосон. Манай багийн бүрэлдэхүүнд Д.Дэлгэрням, Э.Дөлгөөн, Сир Стев, Ц.Отгонжаргал нар тоглосон. Тэд хасагдах шатанд  Сербийн "Ub Huishan NE" багтай тоглож 21-17 харьцаагаар хожигдож тавдугаар байрт орлоо.

    Манай баг “С” хэсэгт багтсан бөгөөд эхний тоглолтоо Бельгийн Антверп хийж 16-21 харьцаагаар хожсон бол хэсгийн сүүлийн тоглолтоо Сербийн Белград багтай хийж 19-21 харьцаагаар хожигдсон байна. Улмаар Белград болон Антверп багууд 11-21 харьцаагаар Антреп хожсоноор багууд гурван биенээ тойрч “Улаанбаатар ММС Энержи” баг хэсгээ тэргүүлсэн аж.

   Харин тус тэмцээнд манай багийг хожсон Сербийн "Ub Huishan NE" баг түрүүлжээ.  Шинэ улирал эхэлснээс хойш 3х3-ын дөрвөн их дуулга зохиогдсоны бүгдэд нь ийнхүү Сербийн баг түрүүлээд байна.