-НАЧНЫ НАЙРАА 250 САЯ ТӨГРӨГТ ХҮРСЭН ГЭВ ҮҮ-

        Бөхчүүдийн дунд авлигын томоохон асуудал үүсэж байх шиг байна.  Өгч авалцах асуудал нь бүр ил цагаандаа гарчээ. Үзэгчид “Мөнгийг нь авч,  найрааны начин “төрүүлж”  байгаа бөхчүүд ядахдаа  үнэмшилтэй унаж сурмаар юм. Аймгийн цолтой бөхчүүдийн гар хөлийн үзүүрээр  өмнө нь сөхрөөд ойччих  юм.  Бүр хөлөнд нь орохоор л  хаврын салхинд сэнсэрсэн хурга шиг  л  өеөдөөд ойчиж байна. Арай дэндүү их  найрааны начин “төрж”  байна” гээд шүүмжлэх ажээ.  Өнөө жилийн наадмаар гэхэд начин цолтон “төрүүлэхэд”  250 орчим сая төгрөгийн үнэ ханштай болсон гэх ярих бөхийн хүрээнээс гарах болсон.  Энэ жилийн хувьд Ардын хувьсгалын түүхт 100, 101 жилийн ойн баяр наадмын хүчит бөхийн барилдаанд 1024 бөх барилдсанаас  тавын давааны барилдаан үргэлжилж байна.

       Начин цол хүртсэн  бөхчүүдээс хоёр, гурван бөх л үнэн хүчээр начин болж байгаа харагдсан. Тэр тусмаа тавын даваанд хэн ч амлахгүй тунасан хоёр бөх л үнэн хүчийг үзүүлэн барилдлаа. Хүчит бөхийн давын даваанд тунасан аймгийн заан Э.Батмагнай, аймгийн хурц арслан О.Наранбаатар нар үнэн хүчийг үзэж барилдлаа. Энэ барилдаан Э.Батмагнай давж улсын начин цолны болзлыг нэр төртэйгөөр биелүүллээ.   

                       Ард түмнийг хуурч, мэхлэн цол авч байгаа асуудлыг шалгах хэрэгтэй.  Бүр сүүлдээ утгаа алдаж, хэн мөнгө төгрөгтэй, нутгийнхнаасаа мөнгө босгож чадсан нь цол хүртэж байгаа нь шударга бус байна. Тухайлбал,  Булган аймгаас УИХ-ын гишүүнээр сонгогдсон Ц.Анандбазарын  мэдлийн “Сод монгол” группийн нэр дээрээс босож барилдсан дөрвөн бөх начин болсон.  Энэ нь ихээхэн хардлага дагуулаад байна. Ц.Анандбазар гишүүнийг унасан нэр хүндээ сэргээхийн тулд  тэрбум гаруй төгрөг гаргаж  бөхчүүдийг цолонд хүргэсэн байж магадгүй гэж олон нийт хардаад байна. Үүний араас Өмнөговь аймгийн Засаг даргын орлогч улсын заан Н.Жаргалбаярт  их хэмжээний мөнгө амласан. Улсын заан Н.Жаргалбаяр Өмнөговь аймгийн арслан Э.Нямаад тахим буулгасан байж магадгүй гэж үзээд байна.  Гар утсаар ярьж буй бичлэг нь олон нийтийн сүлжээнд тавигдаж  асуудал дагуулаад байна. Харин начны  давааны мөнгийг “Эрхэт монгол” групп  гаргасан байж магадгүй юм.

 Төв аймгийн улсын харцага Ө.Даваабаатар, өсөх идэр начин  Ч. Батчулуун,   Дорноговь аймгийн  харьяат харцага А.Цацабшир, улсын заан Ц.Одбаяр, аймгийн арслан Б.Мижидсүрэнд тун хурдан өвдөг шороодлоо. Уг нь лсын заан Ц.Одбаяр тун гарамгай сайн барилддаг бөгөөд тийм хурдан унах бөх биш гэдгийг үзэгчид хэлж байна. Мөн улсын харцага Ш.Пүрэвгарьд цэргийн арслан Лхагвагэрэлд худлаа унах шиг л харагдлаа.

Хүчит бөхийн барилдааны давын даваанд 17 улсын начин цолтон шинээр төрлөө.

• ·          Аймгийн арслан Х.Оргилболд,
•                  Аймгийн арслан Г.Бадрах,
•                      Аймгийн арслан Э.Нямаа,
• ·         Аймгийн арслан О.Түмэн
• ·         Аймгийн арслан О.Цэцэнцэнгэл
• ·         Аймгийн арслан Б.Түмэндэмбэрэл
• ·         Аймгийн арслан Б.Мижидсүрэн
• ·         Аймгийн арслан Э.Сумьяабат
• ·         Аймгийн заан Ц.Бямба-Отгон
• ·         Аймгийн заан Э.Энх-Амгалан,
• ·         Аймгийн заан Б.Түвшинтөгс
•                         Цэргийн заан Д.Лхагвагэрэл