“Токио-2020” 32 дахь удаагийн зуны олимпын жүдо бөхийн +100 килограммын жинд МУГТ Ө.Дүүрэнбаяр эхний барилдаандаа Узбекстаны бөхөд ялагдсан билээ. Тэрбээр барилдааны дараа хэвлэлд өгсөн ярилцлагадаа “Тактикнаасаа зөрж барилдлаа. Сүүлийн жилүүдэд олон ялагдаж, жүдо сонирхогч монголчуудаа бухимдууллаа. Уучлалт хүсье. Мөн сүүлийн хоёр жил их бэртэж, гэмтэж, олон ялагдал хүлээсэн ч олимпод орох эрх авах хүртэл дэмжсэн гэр бүлийнхэн, найз нөхөд, баг хамт олон, багш нартаа баярлалаа. Чадахаараа л хичээлээ, үнэхээр болсонгүй” гэлээ.