32 дахь удаагийн “Токио-2020” олимп зургаа дахь өдрөө үргэлжилж байна.

    Буудлагын эмэгтэйчүүдийн 25 метрийн гар бууны чансаа тогтоох урьдчилсан буудлагын тэмцээнд өнөөдөр О.Гүндэгмаа, Ц.Анударь нар оролцлоо. Тус төрөлд нийт 44 тамирчин оролцсоноос Ц.Анударь 287 оноогоор 29-р байр, О.Гүндэгмаа 283 оноогоор 38-р байр эзлэв. Чансаа тогтоох буудлагад хамгийн өндөр оноо авсан найман тамирчин медалийн төлөө тоглодог бөгөөд урьдчилсан буудлага хоёр төрлөөр хоёр өдөр үргэлжилдэг. Маргааш буюу долоодугаар сарын 30-ны 08:00 цагаас хурдан буудлага хийснээр шөвгийн найм шалгарна.

Эхний өдрийн байдлаар тэргүүлсэн найман тамирчин

• Зорана Арунович (Серби) - 296
• Анна Коракаки (Грек) - 294
• Антоанета Костадинова (Болгар) - 293
• Виталина Бацарашкина (ОХУ) - 292
• Ману Бхакер (Энэтхэг) - 292
• Олена Костевич (Украин) - 292
• Нино Салуквадзе (Гүрж) - 291
• Викториа Чайка (Беларусь) - 291 оноотой байна.