Япон Улсын нийслэл Токио хотод зохион байгуулж байгаа ээлжит зуны олимпын наадмын ажилтан, тамирчдаас илэрсэн коронавирусийн халдварын тохиолдол 16-гаар нэмэгдэж, 169 болсон талаар албаныхан мэдээлжээ. Шинээр коронавирусийн халдвар нь батлагдсан 16 хүн олимпын наадмын арын албаны ажилтнууд болон олон улсын сэтгүүлчид байна.

          “Токио-2020” олимпын наадмыг зохион байгуулах холбооноос коронавирусийн халдвартай батлагдсан тамирчин, албаны хүний эрхийг хамгаалахын тулд нэрийг чандлан нууцалж байгаа. Олимпын наадмын үеэр мөрдөх дүрмийн номонд заасны дагуу халдвар нь батлагдсан хүмүүсийг 10 хоногийн хугацаатай тусгаарлах юм.

Эх сурвалж: NHK