32 дахь удаагийн “Токио-2020” зуны олимпод оролцох Монгол Улсын чөлөөт бөхийн  баг, тамирчид Япон Улсын нийслэл Токио хотыг зорьжээ. Ээлжит олимпын наадамд Монгол Улсыг төлөөлж, есөн тамирчин эрэгтэй, эмэгтэй есөн өөр жинд хүч үзэх юм. Олимпын чөлөөт бөхийн тэмцээнүүд наймдугаар сарын 1-нээс эхэлнэ.

“Токио-2020” олимпын чөлөөт бөхийн төрөлд оролцох Монголын баг тамирчид:

-Дэлхийн аварга шалгаруулах тэмцээний хошой хүрэл медальт Э.Бэхбаяр

-Өсвөр болон 23 хүртэлх насны Азийн аварга Т.Тулга

-23 хүртэлх насны дэлхийн аварга шалгаруулах тэмцээний хүрэл медальт М.Лхагвагэрэл

-23 хүртэлх насны дэлхийн аварга шалгаруулах тэмцээний хүрэл медальт Ц.Намуунцэцэг

-Дэлхийн аварга шалгаруулах тэмцээний хүрэл медальт Б.Болортуяа

-Өвсөрийн дэлхийн аварга шалгаруулах тэмцээний хүрэл медальт, 23 хүртэлх насны Азийн аварга Б.Хонгорзул

-23 хүртэлх насны болон насанд хүрэгчдийн Азийн аварга шалгаруулах тэмцээний мөнгөн медальт Х.Болортуяа

-Олимпын хүрэл, дэлхийн аварга шалгаруулах тэмцээний хошой алт, нэг мөнгө, нэг хүрэл медальт С.Батцэцэг

-Дэлхийн аварга шалгаруулах тэмцээний мөнгө, хошой хүрэл медальт О.Бурмаа нар оролцох юм.

Харин олимпод оролцох Монголын чөлөөт бөхийн багийн ахлагчаар П.Гансүх, албаны хүнээр Б.Батбаяр, П.Буяндэлгэр, ахлах дасгалжуулагчаар Б.Баттулга, дасгалжуулагчаар гавьяат дасгалжуулагч Ц.Баярсайхан, А.Цэдэнсодном, ОУХМ Ө.Ууганбаяр, Б.Батзориг нар ажиллана.