“Токио-2020” олимпын наадмын буудлагын тэмцээнд өрсөлдсөн Ц.Анударь 576 оноогоор есдүгээр байрт шалгарч, финалд багтахад нэг оноо дутсан билээ.

Тэрбээр “Токио-2020” олимпод хийн буудлагын төрлөөр оролцсон тамирчид үүргээ сайн биелүүллээ. Би өөрийгөө ч сайн буудсан гэж бодож байгаа. Багшгүй явж байсныг хэлэх үү, сүүлийн 2-3 оноог алдчихлаа. Өөрийгөө хэддүгээр байрт жагсаж байгаагаа хараагүй. Буудлагаа хийгээд гараад иртэл есдүгээр байрт жагссан байсан. Багш байсан бол самбар хараад, дуудаж гаргаж ирээд “Ингэж ажиллаарай” гэж зөвлөсөн бол зүгээр байсан болов уу гэж бодсон. Өөрийнхөө шүтэж явдаг дэлхий, олимпын аварга тамирчидтай өрсөлдөнө гэдэг нэр төрийн хэрэг.

Би Монгол Улсынхаа нэрийг өндөрт гаргахыг үнэхээр их хүсдэг. Энэ удаагийн олимпын эхний төрөлд яалт ч үгүй анхных болохоор туршлага дутлаа” хэмээн сэтгэгдлээсээ хуваалцлаа. Ц.Анударь долдугаар сарын 29-нд спорт гар бууны 25 метрийн зайд өрсөлдөнө.