Хөл бөмбөгийн Европын АШТ үргэлжилж байна.

Одоогийн байдлаар тус тэмцээний шигшээ 16 багийг тоглолтууд өндөрлөж, шилдэг найман шалгараад байгаа юм.

Шигшээ 16-д Уэльс, Дани, Итали, Австри, Нидерланд, Чех, Бельги, Португал, Хорват, Испани, Франц, Швейцарь, Англи, Герман, Швед, Украйны шигшээ баг багтсанаас Дани, Итали, Чех, Бельги, Испани, Швейцарь, Англи, Украйны шигшээ багууд шилдэг наймаар шалгарчээ.

Хасагдах шатны тоглолтууд энэ  сарын 26-29 өдрүүдэд үргэлжилсэн. Уншигч та бүхэнд шигшээ 16 багийн тоглолтуудыг тоймлон хүргэж байна.

Уэльс 0 – 4 Дани

Тоглолт Голланд Улсын Амстердам хотод орон нутгийн цагаар зургадугаар сарын 26-ны 18:00 хотод болсон. Тоглолтын бүтэн цагт Дани Улсын хөл бөмбөгийн шигшээ баг дөрвөн гоол оруулж, Уэльс Улсыг буулгаж авсан юм.

Итали 2 – 1 Австри

Тоглолт Их Британийн нийслэл Лондон хотод орон нутгийн цагаар зургадугаар сарын 26-ны өдрийн 21:00 цагт болсон. Тоглолтын бүтэн цагт хоёр баг хоёулаа оноо авсан амжилттай үргэлжилж байсан ч Австри Улс хаалгандаа дахин нэг бөмбөг алдсанаар Итали Улсын шигшээ баг шилдэг наймт шалгарч байна.

Нидерланд 0 – 2 Чех

Тоглолт Унгар Улсын нийслэл Будапешт хотод орон нутгийн цагаар зургадугаар сарын 27-ны өдрийн 18:00 цагт зохион байгуулагджээ. Тоглолтын бүтэн цагт Чех Улс хоёр гоол оруулж, Нидерланд  Улсын шигшээ багийг буулган авч, Евро-2020 Европын АШТ-ээ үргэлжлүүлэхээр болов.

Бельги 1 – Португал

Тоглолт Испани Улсын Севиль хотод орон нутгийн цагаар зургадугаар сарын 27-ны өдрийн 21:00 цагт болжээ. Энэ удаагийн Европын АШТ-ий аваргад өрсөлдөх хэмжээний хүчирхэг хэмээгдэж байсан хоёр багийн тоглолтын бүтэн цагт Бельги Улсын шигшээ баг нэг оноогоор Португал Улсыг буулгаж авсан байна. Харин тоглолтод Бельги Улсын шигшээ багийн ахлагч Эден Азар бэртсэн юм. Эден Азар шигшээ найман багийн тоглолтод эргэж, ирэх эсэх тодорхойгүй байна.

Хорват 3 – 5 Испани

Тоглолтыг Дани Улсын Копенгаген хотод орон нутгийн цагаар зургадугаар сарын 28-ны өдрийн 18:00 цагт зохион байгуулжээ. Тоглолтын бүтэн цагт нийт найман гоол бүртгэгдсэнээс тавыг нь Испани Улсын шигшээ баг эсрэг багийн хаалгандаа оруулж, дараагийн шатанд шалгарав.

Франц 3 (4) – 3 (5) Швейцарь

Тоглолт Румын Улын нийслэл Бухарест хотод орон нутгийн цагаар зургадугаар сарын 28-ны өдрийн 21:00 цагт болов. Тоглолтын бүтэн цагт хоёр талын шигшээ баг 3-3 онооны харьцаатайгаар тэнцэж, пеналтаар шийдэхээр болсон байна. Торгуулын цохилтод Франц Улсын шигшээ баг нэг цохилтоо алдаж, Швейцарт Улсын шигшээ Европын АШТ-ээ үргэлжлүүлэхээр болжээ.

Англи 2 – 0 Герман

Тоглолт Их Британийн нийслэл Лондон хотод орон нутгийн цагаар зургадугаар сарын 29-ны өдрийн 18:00 цагт зохион байгуулагджээ. Тоглолтын бүтэн цагт Английн шигшээ баг хоёр оноогоор тэргүүлж, 2014 оны Дэлхийн аварга Германы шигшээг буулган авчээ.

Швед 1 – 2 Украйн

Тоглолт Шотлоанд Улсын Глазгов хотод орон нутгийн цагаар зургадугаар сарын 29-ны өдрийн 21:00 цагт болов. Тоглолтын бүтэн цагт нийт гурван гоол орсноос Украйн Улс хоёрыг нь оруулж, Швед Улсын шигшээ багийг хожиж, Евро-2020 тэмцээнийг үргэлжлүүлэхээр болсон юм.