Япон Улсын нийслэл Токио хотод ээлжит зуны олимпын наадмыг зохион байгуулна.

Зуны олимпын наадамтай холбоотойгоор Япон Улсын Ерөнхий сайд Ёшихидэ Сүга “Олимп болон паралимпын үеэр онц байдал зарлавал олимпын наадмыг үзэгчгүйгээр зохион байгуулж магадгүй” тухай мэдээлжээ.

Харин олимпын наадмыг зохион байгуулах комиссоос “Онц байдал тогтоох шаардлага үүссэн тохиолдолд наадмыг аюулгүй зохион байгуулах тал дээр хамгийн их анхаарна” гэв.

Япон Улсын Ерөнхий сайд Ёшихидэ Сүга хувьдаа олимпын наадмыг үзэгчгүйгээр зохион байгуулахыг дэмжиж буйгаа илэрхийлж, үзэгчгүй олимпын наадам болох өндөр магадлалтай байгаа тухай мэдээлсэн байна.

Эх сурвалж: NHK