Зэвсэгт хүчний 123 дугаар ангийн ахлах ахлагч Э.Даваажамц 20 дахь өдрөө гүйж, Баянхонгор аймгийн төвд хүрсэн талаар тус аймгийн ЗДТГ-аас мэдээлэв.

Түүнийг Баянхонгор аймгийн Цэргийн штаб, Зэвсэгт хүчний 339 дүгээр ангийн удирдлагууд угтан авч, амжилт хүссэн байна.

Ахлах ахлагч Э.Даваажамц нь Ховд аймгаас Улаанбаатар хот хүртэл 1500 км замыг явган туулахаар зорьж байгаа бөгөөд өнөөдрийн байдлаар нийт 808 км замыг туулаад байгаа юм.

Тэрбээр энэ хугацаанд Ховд, Говь-Алтай аймгийг туулж, Баянхонгор аймгийн нутаг дэвсэрт дөрөв дэх өдрөө гүйлтээ үргэлжлүүлж байна.