PUBG Mobile видео тоглоомын "PUBG Mobile World Invitanional" Дэлхийн зэрэглэлийн тэмцээний зүүн бүсийн аварга шалгаруулах тэмцээн болж өндөрлөлөө. Уг тэмцээнд PUBG Mobile тоглоомын Дэлхийн аваргын хүрэл медальт Монгол Улсын “ZEUS” баг оролцож, дөрөвдүгээр байр эзэлсэн байна.

Тэмцээний дүрмийн дагуу финалын шатанд өрсөлдсөн багуудыг шагналын мөнгөө Олон улсын эрүүл мэндийн байгууллагад хандивлах юм. Улмаар "ZEUS" баг шагналын 155 мянган ам.доллароо НҮБ-ын Хүүхдийн санд хандивлахаар болжээ. “ZEUS” баг өнгөрсөн тавдугаар сард "OPS BATTLE SHOW" тэмцээнийхээ шагналын 230 ам.долларыг Э.Ананд хүүгийн эмчилгээний зардалд хандивлаж байсан юм.