БНСУ-ын алдарт BTS хамтлагийн дүү гэдгээрээ анх олон танигдаж байсан “TXT” буюу “Tomorrow X Together” хамтлаг. “Hybe” энтертайнментын BTS хамтлагаас хойш зургаан жилийн дараа гаргасан тус хамтлаг нь Чүэ Сүбин, Чүэ Ёнжүн, Чүэ Бомгюү, Кан Тэхён, Хюнин Кай гэсэн таван гишүүнтэй. 2019 оны гуравдугаар сарын 4-нд “The Dream Chapter: Star” цомгоороо дэбют хийсэн. Гадаад төрх, үлгэрийн мэт агуулгатай үзүүлбэр, чадварлаг бүжгийн хөдөлгөөн, гайхалтай хоолойгоороо тэд богино хугацаанд нэрт гарсан бөгөөд дебют хийсэн жилийнхээ бүх шагнал гардуулах ёслолуудаас “Жилийн шилдэг шинэ уран бүтээлч” шагналыг хүртсэн цөөн хамтлагийн нэг билээ. Тэдний дэбют цомгийн гол дуу болох “Crown” дууны клип Youtube дээр 24 цагийн дотор 14.5 сая хандалт авснаар 24 цагийн дотор хамгийн олон хүн үзсэн К-поп хөвгүүдийн хамтлагийн дэбют клип болж байжээ. TXT бол “Billboard Chart”-д нийт 45 долоо хоног жагссан анхны дөрөвдүгээр үеийн хамтлаг юм. Мөн дэбют хийснээсээ хойш жил бүр “Billboard 200” чартад багтсан анхны К-поп хамтлаг юм. Ингээд удахгүй таван жилийн ойгоо тэмдэглэх гэж байгаа TXT хамтлагийн сонирхолтой баримт, онцлох дууг танилцуулж байна.

Гишүүдийн талаарх сонирхолтой баримт

Choi Yeonjun

Тэрбээр 1999 оны есдүгээр сарын 13-нд төрсөн 181 см өндөртэй.

Тэр TXT хамтлагийн гишүүн болж зарлагдсан анхны гишүүн

Түүний танилцуулга видео эхний 24 цагийн дотор 1 сая хандалтыг давсан.

Ёнжүн бэлтгэгдэгч байхдаа бүжиг, рэп, гоцлолоороо үргэлж нэгдүгээр байрт шалгардаг байсан.

Хамтлагийнхаа мэндчилгээний гарын хөдөлгөөнийг зохиосон.

Тэрбээр “Live On” олон ангит киноны наймдугаар ангид гол дүрийн хуучин найз залуу болон тоглодог.

Choi Soobin

Тэрбээр 2000 оны арванхоёрдугаар сарын 5-нд төрсөн 187 см өндөртэй.

TXT хамтлагийн гишүүн болж зарлагдсан хоёр дахь гишүүн

BTS хамтлагийн гишүүн Жинд хамгийн их дуртай.

Тэр зараа тэжээдэг.

KBS телевизийн “Music Bank” хөгжмийн нэвтрүүлгийн хөтлөгчөөр ажиллаж байсан.

Түүний хамгийн дуртай дуу нь “Farewell, Neverland”

Choi Beomgyu

Тэрбээр 2001 оны гуравдугаар сарын 13-нд төрсөн 179 см өндөртэй.

TXT хамтлагийн гишүүн болж зарлагдсан сүүлийн буюу тав дахь гишүүн.

Тэр BigHit-д гурван жил бэлтгэгдсэн бөгөөд цахилгаан гитар тоглож чадна.

Түүний дуртай өнгө бол ягаан, цагаан ба хувцас загварт тун дуртай.

Түүний хамгийн дуртай кино бол “August Rush”

Тэр YouTube-ээр дамжуулан гитар тоглож сурсан

Kang Taehyun

Тэрбээр 2002 оны хоёрдугаар сарын 5-нд төрсөн 177 см өндөртэй.

TXT хамтлагийн гишүүн болж зарлагдсан дөрөв дэхь гишүүн.

Багадаа сурталчилгаанд тоглож байсан.

Тэр солгой гартай.

Тэхён илбэ үзүүлэхдээ сайн. Түүний илбэ үзүүлэж байгааг харсан мэргэжлийн илбэчид магтаж байсан.

Түүнд 20 орчим энтертайнментаас бэлтгэгдэгч болох санал ирж байсан.

Hueuning Kai

Тэрбээр 2002 оны наймдугаар сарын 14-нд төрсөн 183 см өндөртэй.

TXT хамтлагийн гишүүн болж зарлагдсан гурав дахь гишүүн.

Түүний ээж солонгос, аав Набил Дэвид Хуенинг герман хүн боловч Бразил Улсад төрсөн.

Дүү Huening Bahiyyih нь Kep1er’s охидын хамтлагийн гишүүн.

Тэр төгөлдөр хуур тоглож чадна.

Хамтлагийнхаа хамгийн залуу гишүүн.

ТАВАН ЖИЛИЙН ОЙГОО ТЭМДЭГЛЭХ ГЭЖ БУЙ TXT ХАМТЛАГИЙН ОНЦЛОХ ТАВАН ДУУ

TXT- CROWN

TXT- Good Boy Gone Bad

TXT- LOSER=LOVER

TXT- farewell Neverland

TXT and Anitta- ‘Back for More’