“THE HU” хамтлаг “The HU in the Metaverse” тоглолтоо 2023 оны гуравдугаар сарын 30-ны өдөр хийхээр боллоо. Виртуал орчинд хийгдэх уг тоглолтод “Ард” болон “ТэнГэрЛиг Медиа Нэгдэл”, “МОСТ Финтек”, “ГрэйпСити”, “Дайвэрс Солюшнс”, “idax, МетаФорс”, “Ард Бит, Ард Арт”, “Монгол ДиФай” зэрэг технологи болон санхүүгийн компаниуд хамтран ажиллаж,  дэлхийд анх удаа зохиогдох мета рок концертыг толилуулах гэж байгаа юм.

Тоглолтын тасалбарыг www.hu.rocks  вэбсайтаас NFT хэрбэрээр захиалан авах боломжтой.

        “Метафорс” нь Металанд төслийг хэрэгжүүлэн, Улаанбаатар хотыг метаверс орчинд бүтээн байгуулсан технологийн компани бөгөөд хэрэглэгчдэд дэлхийн өнцөг булан бүрээс виртуал орчинд бодит үйлчилгээ авах, бусад хэрэглэгчидтэй өөрийн аватарыг ашиглан танилцаж, харилцах боломжийг олгож байгаа платформ юм. Тус виртуал тоглолт нь “The Hu” хамтлагийн шүтэн бишрэгчдэд дэлхийн хаанаас ч нэгэн дор цуглах боломжийг олгож, бусад шүтэн бишрэгч болон хамтлагийн гишүүдтэй харилцах боломжийг олгожээ.