Фэйсбүүкийн "Пянз цуглуулагчдын клуб" групп "Red Mars Entertainment"-тай хамтран "Ub record fair-2020" пянзны яармаг зохион байгуулах гэж байна. "Хөгжимтэй холбоотой бүхнийг нэг дороос" уриатай тус яармаг Монголын урчуудын эвлэлийн  "Сэнгэраги" арт галерейд энэ сарын 30-наас эхлэн гурав хоног үргэлжилнэ. Уг яармагийн үеэр пянзнаас гадна сд, кассет (соронзон бичлэг), хөгжмийн ном, сэтгүүл, зурагт хуудас, гэрэл зураг, дүрслэх урлагийн бүтээлүүд, хөгжмийн зэмсэг, аудио техник, төхөөрөмжийн чөлөөт арилжаа худалдаа, солилцоо болох юм байна.