Өвлийн улирал дуусаж, урин  хавар айлчлахад залуус хувцсаа нимгэлж, дэгжин хувцаслахыг зорьдог.  Энэ хавар загварын ертөнцөд моод болж буй эрчүүдийн 10 трэнд хувцаслалтыг  "Vogue" сэтгүүл танилцуулжээ. 

1.Бомбер

Загвар зохион бүтээгчид энэ зхавар, зун нисгэгчдийн хувцаслалтаас сэдэвлэн урласан чөлөөт хэв загварын бомбер моодонд орж байгааг дурджээ. “Sacai”, “Boss” зэрэг томоохон брэндүүд эрэгтэй загварын хувцсандаа бомберыг онцолж байна.

2. Дүрэмт хувцас

Ажлын дүрэмт хувцасны хэв загвар бол энэ хаврын трэнд. “Kenzo” болон “Lemaire” зэрэг брэнд хавар, зуны коллекцоо ажлын дүрэмт хувцасны загвартай гаргажээ.

3. Кимоно

Японы үндэсний хувцас болох кимоногийн загвараас сэдэвлэсэн хэв маяг эргэн ирлээ. “Martine Rose”, “Dunhill”, “Ambush” зэрэг брэнд энэ хавар, зуны  загвартаа кимоног онцолж байна.

4. Бермуда буюу урт шорт

Энэ зуны зайлшгүй трэнд болж буй хувцаслалт бол бермуда. Хавар, зуны өргөн, урт шорт нь эрчүүдийн зуны хувцаслалтын гол трэнд билээ.

5. Том өргөн өмд

Сонгодог, дэгжин байдлыг мартаад орчин үеийн гоёмсог, тухтай өргөн өмдөөр загвараа бүрдүүрээлэй. Энэхүү загварт ямар ч стилийн XXL размерын өмд байж болно. Энэ жилийн трэндийг дагаж “Hed Mayner”, “Armani”, Lemaire” брэндийн загварынх шиг зуныг санагдуулам тод, цайвар, хөх, байгалийн өнгөнөөс сонгохыг санал болгож байна.

6. Далайчны цамц

Орчин үеийн далайчны стилийг санал болгож байна. “Burberry”, “Boss”, “Casablanca” энэ хаврын загвартаа далайчны хувцаслалтыг онцолжээ.

7. Өдрийн цагт өмсөхөд тохиромжтой унтлагын хувцас

Унтлагын хувцсыг зөвхөн орой өмсөх зориулалтаас нь салгаж,  гадуур өмсөхөд тохиромжтой, загварлаг хэв маяг дэлгэрлээ. “Schnabel”, “Marcello  Mastroianni” зэрэг брэнд хаврын загвартаа унтлагын хувцасны хэв загварыг шингээжээ.

8. Минимализм

Хар, цагаан сонгодог загварын костюм энэ хаврын трэнд болж байна. Дан нэг өнгөөр,  эсвэл дээд тал нь гурван өнгөөр стилиэ бүрдүүлэхэд тохиромжтой.

“Prada”, “Jil Sander”, “Valentine” зэрэг брэнд энэ хаврын хэв маягтаа минималист загварын хувцсаа танилцуулжээ.

9. Нэхмэл цамц

Нэхмэл цамц жил бүрийн улирал солигдох энэ үед трэнд болдог билээ. “Dior”, “JW Anderson”, “Sacai” зэрэг брэнд залууст зориулж нэхмэл цамцыг онцолсон байна.

10. 1970-оны хэв загвар

“Alessandro Michele”, “Gucci”, “Hedi Slimane” зэрэг брэнд энэ хаврын залуусын шинэ загвартаа 1970-аад оны хэв загварыг эргэн авчиржээ.