Америкийн зохиолч Жорж Р.Р. Мартины “Tales of Dunk and Egg” зохиолоор HBO компани цуврал хийхээр болжээ. Уг түүх нь “Хаан сэнтийн тоглоом” цувралаас 90 жилийн өмнөх үйл явдлыг хүүрнэх бөгөөд Сэр Дункан, залуухан Эегон V Таргариены түүхийг хүүрнэх аж. Зохиолч Мартин 1998 оноос хойш “Tales of Dunk and Egg” хэмээх цувралын гурван бүлэг номоо хэвлээд буй билээ.  

Одоогоор уг төслийн зохиолч болон багынханд олны танил хүний нэр сонсогдоогүй ч HBO компани “Хаан сэнтийн тоглоом” киноныхоо амжилтыг бататгахын тулд тус төсөлд ач холбогдол өгч байгаа аж. Түүнчлэн цувралын “Луугийн байшин” хэмээх бүлэг 2022 онд нээлтээ хийхээр төлөвлөөд байна.