Америкийн алдарт “Sex and the City” цуврал анх үзэгчдийн хүртээл болсноос 20 жилийн дараа эргэн ирлээ. Уг цуврал 1990-ээд оны сүүлч, 2000 оны эхэн үеийн дөрвөн эмэгтэйн амьдрал, ажил, нөхөрлөл, үерхлийн тухай өгүүлдэг билээ. Гэхдээ энэ удаад Самантагийн дүрээр алдаршсан Ким Кетролл тоглохгүй гэнэ. Харин Сара Жэссика Паркер, Синтия Никсон, Кристин Дэвис нар тоглохоор болсон байна. 

Кино багийнхан яагаад Кетролл энэ цувралд тоглоогүй талаар юм хэлээгүй ч сүүлийн жилүүдэд Кетролл шоуныхан болон хамтран тоглосон Паркертай хүндхэн харилцаатай байжээ. Шинэ цуврал нь хагас цагийн урттай 10 ангиас бүрдэж буй бөгөөд Кристин Дэвис  “Бүх зүйл боломжтой. Түүх үргэлжилнэ” хэмээн өөрийн твиттер дээрээ жиргэсэн байна. Кино зураг авалтаа хавраас эхлэхээр төлөвлөөд буй бөгөөд хэзээ цацагдах нь тодорхойгүй байна.