“Exhuma” буюу “Шарил” хэмээн БНСУ-ын аймшиг, нууцлаг жанрын уран сайхны кино хоёрдугаар  сарын 16-нд дэлхий дахинаа нээлтээ хийсэн билээ. “Exhuma” 2024 онд Солонгосын "Box Office" дээр нээлтээ хийсэн кинонуудаас хамгийн их ашиг олсон уран бүтээлээр нэрлэгдэж байна. Одоогийн байдлаар 2620000 гаруй хүн тус уран бүтээлийг үзсэн гэсэн судалгаа гарчээ.  Тус киноны гол дүр буюу бөөгийн дүрд бидний “Goblin” киногоор нь сайн мэдэж Ким Го Ын жүжигчин тоглосон билээ.

        Тэрбээр 1991 оны долдугаар сарын 2-нд төрсөн. Түүнийг дөрвөн настайд нь гэр бүлийнхэн нь  БНХАУ-руу нүүж, тус улсад 10 жил амьдарчээ. Ким Го Ын  2012 онд “A Muse” кинонд тоглож, жүжигчнийхээ гарааг эхэлсэн юм. Тус киноны дүрээрээ тухайн жилийнхээ шинэ шилдэг эмэгтэй жүжигчний шагналыг хүртэж байжээ. "A Muse" киноны дараа түүнд олон киноны санал ирсэн ч тэрбээр хоёр жил завсарлага авч их сургуулиа амжилттай төгссөн юм.

                2016 онд "Cheese in the Trap" олон ангит киноны гол дүрд тоглож, тус салбарт эргэн ирсэн юм. Мөн тус онд үзэгчдийн хүртээл болсон “Goblin” киноны гол дүрд тоглосон бөгөөд энэхүү уран бүтээл нь БНСУ-ын түүхэн дэх хамгийн өндөр үзэлттэй уран бүтээлүүдийн билээ.

Үүнээс хойш тэрбээр “The King: Eternal Monarch”, “Yumi's Cells”, “Little Women”, “Sunset in My Hometown” зэрэг үзэгчдийн үзэх дуртай уран бүтээлүүдэд ажилласан билээ.

Ингээд түүний талаарх сонирхолтой таван баримтыг хүргэж байна.

• Тэрбээр "The King: Eternal Monarch" кинонд тоглохын тулд тэквондо сурсан.
• Хамгийн дуртай кино нь "The Notebook"
• "Cheese In The Trap" киноны "Attraction" дууг дуулсан.
• Тэр Сөүлийн Кайвон урлагийн ахлах сургуульд суралцсан.
• “Together” киног үзэх бүртээ уйлдаг талаараа дурдаж байсан.

КИМ ГО ЫН ЖҮЖИГЧНИЙ ОНЦЛОХ ТАВАН УРАН БҮТЭЭЛ

The King: Eternal Monarch

Cheese In The Trap-Attraction OST

Yumi's Cells

Goblin

Little Women