"Marry my husband" буюу "Нөхөртэй минь гэрлээч" олон ангит кино к-драма сонирхогчдоос сайшаал хүртсээр байна. Ижил нэрт зурагт номоос сэдэвлэн хийгдсэн тус уран бүтээлийн төгсгөлийн 16 дугаар анги БНСУ-д энэ сарын 20-нд tvN телевизээр цацагдах билээ.

                Өөрийгөө хамгийн сайн нөхөр, халамжтай найзтай гэж бодож байсан Жи Вон хорт хавдартай болсныхоо дараа сайн найз, нөхөр хоёр нь түүнийг хуурч байсныг мэдэж харамсалтайгаар нас барна. Харамсалтайгаар амиа алдсан түүнд боломж олдож, арван жилийн өмнөх үе рүүгээ буцах болно. Жи Вон түүнийг хуурсан найз, нөхөр хоёроосоо өшөө авахаар шийдсэнээр үйл явдал өрнөх болно.

                “Marry me husband” кинонд Жи Воны сайн найз Сүминий дүрийг чадварлаг бүтээж, кино сонирхогчидоос өндөр үнэлгээ аваад байгаа жүжигчин Song Ha Yoon-ийг танилцуулж байна.

             Тэрбээр 1986 оны арванхоёрдугаар сарын 2-нд төрсөн түүний жинхэнэ нэрийг Ким Ми Сун гэдэг. Сон Ха Юн бол түүний уран бүтээлчийн нэр бөгөөд 2012 онд нэрээ ийн сольжээ. 2003 онд "Sang Doo, Let's go school" олон ангит кинонд тоглож, уран бүтээлчийнхээ гарааг эхэлж байжээ. үүнээс хойш тэрбээр "Nonstop 5", "Phantom", "My daughter Geum Sa Wol", "Fight for my way","Fly high", "Whistle blower" тэргүүтэй уран бүтээлд гол болон туслах дүр бүтээжээ.

                2024 оны байдлаар түүний хөрөнгийн хэмжээ хоёр сая ам.доллар бөгөөд тэрбээр зөвхөн кино уран бүтээл, сурталчилгааны ажлаар энэ хэмжээний хөрөнгө цуглуулж чаджээ. жүжигчин болсноос хойш түүнтэй холбоотой хэд хэлэн болзооны цуурхал гарч байсан ч зарим нь батлагдаагүй аж. Тэрбээр одоогийн байдлаар олон нийтэд зарласан харилцаагүй бөгөөд ганц бие юм.

                Жүжигчин Song Ha Yoon бусад жүжигчидтэй сайн харилцаатай байдгаараа алдартай бөгөөд чөлөө хөдөлмөрч нэгэн аж. Чөлөөт цагаараа байгальтай ойр байж ногоон байгууламжаар зугаалах дуртай бөгөөд тогтмол дасгал сургуулилт хийж, арьсаа арчлах дуртай гэнэ.