Найруулагч Э.Ган-Очирын "Урт өдрүүд" кино маргаашнаас буюу хоёрдугаар сарын 16-наас эхлэн кино сангуудаар гарахаар болжээ. Тус бүтээлийн гол дүрд жүжигчин Р.Анхням тоглосон бөгөөд Ардын жүжигчин Г.Мягмарнаран, Гавьяат жүжигчин С.Лхагвасүрэн зэрэг уран бүтээлчид тогложээ.

Бушуухан дуусаасай гэж залбирах хясал дүүрэн өдрүүд бий. Түүнийг урт өдрүүд гэж нэрлэдэг...

  Найруулагч Э.Ган-Очирын хувьд 14 дэх удаагийн “Улаанбаатар” олон улсын кино наадмын “Хангарьд” шагнал гардуулах ёслолоос “Дасгалжуулагч” киногоороо зохиолч Н.Майдарын хамт “Шилдэг Кино Зохиол” шагналыг хүртэж байжээ. Мөн Номадиа Пикчерсийн зүгээс түүний шинэлэг өнгө төрх, уран сэтгэмж, ур чадварыг үнэлэн хамтын уран бүтээл гаргах эрхээр шагнасан билээ. Ийнхүү 2023 оноос Урт Өдрүүд цуврал түүний хоёр дахь бие даасан цуврал болон хөгжүүлэлт нь эхэлжээ.