Хязгааргүй хүчтэй охины талаар өгүүлэх БНСУ-ын олон ангит Хүчтэй охин Канг Нам Сүн” кино үзэгчдийн хүртээл болсон цагаасаа хойш хүлээж үзэх драмуудын нэгээр нэрлэгдэх болжээ. Төөрснөөсөө болж Монгол Улсад өссөн охины БНСУ-руу явж төрсөн гэр бүлээ хайх аяллаас эхлэлтэй  уйдамгүй адал явдлын талаар өгүүлэх тус киноны талаарх сонирхолтой таван баримтыг хүргэж байна.

МОНГОЛД ХИЙСЭН ЗУРАГ АВАЛТ

БНСУ-ын “Хүчтэй охин Канг Нам Сүн” кинонд Монгол Улсад авсан хэд хэдэн зураг авалт бий. Энэхүү кинонд зориулж 200 орчим хүний бүрэлдэхүүнтэй тав хоногийн зураг авалт хийжээ. Мөн түүгээр ч зогсохгүй Канг Нам Сүн охиныг өсгөсөн аав ээжийн дүрд МУСТА Ц.Цэрэнболд, Б.Батсумъяа нар тоглосон билээ.

ТУСЛАХ НАЙРУУЛАГЧ Б.СУМЪЯАСҮРЭН

       Кино урлагаараа дэлхийд алдартай БНСУ-ын тус салбарт Монгол бүсгүй туслах найруулагчаар ажиллаг билээ. Б.Сумъяасүрэнгийн  туслах найруулагчаар нь ажилласан зургадахь төсөл нь “Хүчтэй охин Канг Нам Сүн” олон ангит кино байжээ. Туслах найруулагч гэдэг тухайн зураг авалтыг саадгүй явуулах бүх л зүйлийг хийдэг хариуцлагатай ажил. Үүний нэгэн жишээ нь киноны үеэр Б.Сумъяасүрэн зураг авалтад ашиглах махыг найруулагчийн сэтгэл, зураг авалтад тохирохоор зүсэж, янзалсан гэнэ.

“NETFLIX WORLD”  TOP 4-Т ОРСОН АМЖИЛТТАЙ ДРАМА

Нээлтээ хийсэн цагаасаа эхэлж амжилттай байгаа тус драма Netflix World-ийн шилдэг дөрөвт эрэмбэлэгдэж байгаа бөгөөд өнөөдрийн байдлаар 12 орны Netflix-ийн шилдэгт бичигдэж нэгт эрэмбэлэгдэж байгаа юм. Тус олон ангит киноны дөрөвдүгээр анги 9,8% гэсэн түүхэн үзэлттэй байгаа билээ.

"SQUID GAME" ЦУВРАЛЫН ОД ЖҮЖИГЧИН ЛИ Ю МИ

Амьд гарахын төлөөх тэмцлийг харуулдаг "All Of U Are Dead", "Squid Game" цувралаараа олонд танигдсан жүжигчин Ли Ю Ми энэ удаа гэрэлтсэн гэнэн цайлган хэрнээ хэмжээлшгүй их хүчтэй Канг Нам Сүний дүрийг бүтээсэн билээ. Ли Ю Ми нь 1994 оны долдугаар сарын 18-нд БНСУ-ын Жонжү хотод төржээ.  2010 онд дэлгэцнээ гарсан The Yellow Sea кинонд анхныхаа дүрийг бүтээж, кино урлагт хөл тавьсан байна. Тэрбээр "Squid Game" киноны Жи Ёнгийн дүрээрээ "Драмын цувралын шилдэг зочин эмэгтэй жүжигчин" номинацид нэр дэвшин " Primetime Emmy " шагнал хүртэж, энэ төрөлд шагнал хүртсэн анхны Солонгосын жүжигчин болж байжээ.

ЭРГЭН ИРСЭН “ХҮЧИРХЭГ ЭМЭГТЭЙ ДУ БУН СУН”

Олны хайрыг татсан Хүчирхэг эмэгтэй Ду Бун Сун киноны гол дүрүүд тус драмад нэгдсэн билээ. Хэдий богино хугацаанд гарах хэсэг ч шүтэн бишрэгчид нь тэднийг харсандаа баяртай байгаа юм.