Шведийн алдартай кино найруулагч, зохиолч, продюсер Ингмар Бергманы “Миний амьдрал кино хальсанд” намтар дурсамжийн номыг “Тагтаа” хэвлэлийн газраас орчуулан гаргасан билээ. Орчуулагч Н.Өнөжаргалын бүтээлээс онцлох 10 эшлэлийг хүргэж байна.

• Өнгөрснөө уудлах гэдэг ийм хөндүүр, харгис хэрцгий ажил юм гэж төсөөлсөн ч үгүй

• Хувийн сахилга баттай байх мэдээж сайн ч хэтрүүлбэл өөрийгөө албадан шахдаг урхагт дадал болж хувирдаг аж.

• Хэдий аливаад эмзэг, хөөрөлхүү хандах гээд байдаг талтай ч мэргэжилдээ гайхмаар тулхтай, эрүүлээр ханддаг хүн бол би л дээ. Дотор минь бугласан ад тийрэн, албин чөтгөрүүдийг уран бүтээлийнхээ сүйх тэргэнд сурамгай хөллөн тарлаж, хэргийг нь гаргаж чаддаг хүн гэх үү дээ.

• Хүүхэд насныхаа эгээрэл хүсэлд хөтлөгдөн кино урлагт өөрийгөө зориулж, галзуурал солиорол, хүсэл мөрөөдөл, сэрэл мэдрэхүй, урам сэтгэмж, дотоод тэсрэлт, эмгэг оёг, явцуу итгэл үнэмшил, эрээ цээргүй худал хуурмаг бүхнээ хорин жилийн турш дэлгэцэд уйгагүй буулгасан байнам

• Цөхрөн мохох нь хүнийг зоримог шийдэмгий болгодог.
• Кино зохиол бичих нь жүжигчид болон техникийн ажилтнууддаа уртаас урт, элэгсэг дотно захиа бичихтэй адил.
• Би сүсэг бишрэлгүй хүн, сүм хийдэд ч очдоггүй. Бурхан аврал, ангижрал, эсвэл мөнх амьдрал надад хэрэггүй.
• Сэрэмжлүүлэх дохио хангинасаар байхад би сонсохыг ч хүссэнгүй.
• Тааруу муу болсон ч гэлээ сэтгэлдээ нандигнаж явдаг кино надад олон бий. Эсрэгээрээ үнэхээр сайн болсон хэр нь сэтгэлийг минь нэг их хөдөлгөдөггүй кино ч бий.
• Бага насаа бодоход сэтгэл баясаж, сониуч зан сэргэдэг.