“Netflix”-ийн “Queen's Gambit”  цувралыг гарсан даруйд 62 сая гэр бүл үзэж, хамгийн их үзэлттэй богино цувралаар шалгараад байгаа билээ. Уг цуврал гарсны дараа онлайн шатарчид болон шатрын худалдан авалт хэд дахин өсчээ. Шатрын тухай тун сонирхолтойгоор хүүрнэж чадсан энэхүү цувралын тухай найман баримтыг хүргэж байна.

1. Жүжигчин Аня Тейлор шатрын тухай юу ч мэддэггүй байсан.

Бетийн дүрийн бүтээсэн жүжигчин Аня Тейлор “Би шатрын тухай юу ч мэддэггүй байсан. Харин энэ дүрд тоглосноор шатрын ертөнцөд татагдан орсон” хэмээжээ.

2. Уг киног зохиолч Уолтер Тевисийн ижил нэрт зохиолоос сэдэвлэсэн.

Америкийн зохиолч Уолтер Тевис долоон настайгаасаа шатар тоглосон ба уг зохиолын зарим хэсгийг өөрийн амьдралаас сэдэвлэн бичсэн гэдэг ажээ.

3. Уг цувралыг бүтээхэд дэлхийн шатрын аварга, их мастер Гарри Каспаровоос зөвлөгөө авсан

Уг цувралыг бүтээхэд мэргэжлийн шатарчдаас зөвлөгөө авсан ба Гарри Каспаровоос киноны Боровын дүрд тоглохыг урьж байжээ.

4. Бетийн түүх Америкийн нэгэн шатрын их мастерын бодит амьдралтай төстэй.

Гарри Каспаров нэгэн ярилцлагадаа “Бетийн дүр Америкийн шатрын их мастер Бобби Фитчерийн амьдралын эмэгтэй хувилбар” хэмээн хэлж байжээ.

5. Киноны бүх шатрын тоглолт бодитоор өрнөсөн

Кино зураг авалтын үед бүх тоглолт, үе хоорондын хэсэг бодитоор явагджээ.

6. Кино зохиол гарахаас өмнө Аня Тейлор кино багт нэгдсэн.

Кино зохиол гараагүй байхад найруулагч Скотт Фрэнк эх зохиолыг Аня Тейлор руу явуулснаар уг бүтээлд татагдан оржээ. Аня нэгэн ярилцлагадаа “Би зохиолыг уншаад дүрээ ярилцахаар шууд кино багынхан руу “гүйсэн”. Зохиолыг нь уншаад үнэхээр сонирхолтой санагдсан” гэжээ.

7. 2008 онд жүжигчин Хит Лежер уг зохиолоор кино хийх гэж байжээ.

2008 онд Жүжигчин Хит Лежер уг бүрэн хэмжээний кино төслөөр найруулагчийн гараагаа эхлэх гэж байсан ч таалал төгссөнөөр  цуврал бүтээхээр болсон байна. Тухайн үед Бетийн дүрд жүжигчин Эллен Пэйж тоглох гэж байжээ.

8. Хувцас дизайнер Габрил Бингер шатрын хөлгөөс сэдэвлэн Бетийн хувцасны загварыг гаргажээ.

Дөрвөлжин шоо болон хар цагааны нийлэмжит хувцсыг шатрын хөлгөөс санаа аван бүтээсэн байна.