Хөл хорио тогтоосон энэ үед ганцаараа, гэр бүлээрээ үзэх долоон киног санал болгож байна.

1. Халдвар- Contagion (2011)

Цар тахлын энэ үед вирус хэрхэн тархдаг, ямар хол нөлөөтэйг шинжлэх ухаан талаас танин мэдэх үүднээс уг киног санал болгож байна. 

2. Гэртээ ганцаараа-Home Alone (1990)

Хөл хорио тогтоосон ч, жил болгоны энэ үед шинэ жилийн уур амьсгал ордог шүү дээ. Шинэ жилийн уур амьсгалыг мэдрүүлэх, багын дурсамж шингэсэн “Гэртээ ганцаараа” киног гэр бүлээрээ үзээрэй.

3. Төгс мэдрэхүй- Perfect sense (2011)

Нэг л өглөө үл ойлгогдом өвчин тархана. Хүмүүс эхнээсээ мэдрэмжээ алдаж эхэлнэ. Хэцүү үе тулгарсан ч хайр, сэтгэлээ гээхгүй байх нь чухал гэдгийг харуулсан уг бүтээлийг санал болгож байна.

4. Венец дэх үхэл- Death in Venice (1971)

Венецэд тахал гарахад хайр дурлалынхаа төлөө гол дүр Густав Венецэд үлдэнэ. Тахлын үед бидний дотоод сэтгэлийн үнэ цэнийг харуулсан бүтээл.

5. Гэрэлт од-Bright Star (2009)

Английн яруу найрагч Жон Кейтсийн амьдралын тухай хүүрнэх уг киног санал болгож байна. Жон Кейтсийн дурлалын тухай өгүүлэх ба өвчтэй, зовлонтой үеийг хамтдаа даван гарч буй тухай өгүүлнэ.

6. Чарли Брауны зул сар-A Charlie Brown Christmas (1965)

Зул сар дөхөх ч Чарли Браунд ямар ч уур амьсгал төрөхгүй. Найз нөхөд, халуун дулаан сэтгэл, уламжлалт баярын тухай өгүүлнэ.

7. Өвлийн үлгэр-A winter’s tale (1945)

Оросын хөгжмийн зохиолч П.И.Чайковскийн хөгжим, хар, хөх, цагаан гэсэн гурвалсан өнгийг ашиглан бүтээсэн хүүхэд насны тань дурсамж, өвлийн өнгийг мэдрүүлэх уг хүүхэлдэйн киног санал болгож байна.