Пиксар анимейшн студийн шинээр гарах “Сүнсний ертөнц” хүүхэлдэй “Rotten tomatoes” сайтад 22 шүүгчээс 100 хувийн үнэлгээ аваад байна. Кино шүүмжлэгч, үзэгчдийн дунд хүлээлт үүсгээд байгаа уг хүүхэлдэйн киноны таван баримтыг хүргэж байна.

1. “Сүнсний ертөнц” анимейшн Пит Доктерийн ганцаарчлан найруулсан анхны бүтээл

Оскарын хоёр удаагийн шагналт найруулагч Пит Доктер нь Пиксар анимейшн студид 21 настайгаасаа ажиллаж эхэлсэн. Тус хугацаанд “Мангасуудын компани”, “Дээшээ”, “Бодлын ертөнц” зэрэг хүүхэлдэйн кинонд найруулагчаар ажилласан ба уг хүүхэлдэй түүний ганцаарчлан найруулж буй анхны бүтээл нь аж.

2. Жазз хөгжимчний сүнсний тухай хүүрнэнэ.

Дунд сургуульд хөгжмийн багшаар ажилладаг Жое Гарднер жазз хөгжмийн тайзнаа гарахыг хүсдэг. Түүнд алдарт жазз хөгжмийн клубийн тайзнаа гарах боломж тохиох ч сүнс нь биеэсээ гарч, хүн болоход суралцдаг сүнсний оронд ирснээр үйл явдал өрнөнө.

3. Жэйми Фокс, Тина Фей нар дуу оруулсан.

 “Рэй” кинонд алдарт дуучин, хөгжимчин Рей Чарьзын дүрийг бүтээсэн жүжигчин Жэйми Фокс “Сүнсний ертөнц” киноны Жое Гардений дүрд дуу оруулжээ.

4. Хөгжимчин Жон Батист киноны дууг бичсэн.

Уг хүүхэлдэй нь жазз хөгжимчний амьдралыг харуулсан, хөгжимлөг кино болж байгаагаараа онцлог билээ. Уг киноны дууг Стиви Уандер, Принс, Эд Ширан нартай хамтран ажиллаж байсан хөгжимчин Жон Батист бичсэн байна.

5. Өнгөт арьстаныг гол дүрээ болгож байгаа Пиксарын анхны кино

2012 онд бүтээгдсэн “Зоригтон” хүүхэлдэй Пиксарын анхны эмэгтэй гол дүртэй кино болсон юм. Түүний дараа “Бодлын ертөнц”, “Дориг хайхуй”, “Гайхамшигт гэр бүл-2” зэрэг олон бүтээлүүд эмэгтэй гол дүртэй бүтээгдсэн юм. Харин “Сүнсний ертөнц” хүүхэлдэй нь Пиксарын анхны өнгөт арьстан гол дүртэй кино болж байна.