УИХ-ын гишүүн Ж.Мөнхбат: Архи үйлдвэрлэж буй компаниуд төрийн сүлд, бэлгэ тэмдэгтэй архи үйлдвэрлэж байгааг таслан зогсоох хэрэгтэй. Дэлхий дээр бид Чингис хаанаараа бахархдаг ард түмэн. Гэтэл энэ түүхт хүний зураг хөрөг, нэртэй архи үйлдвэрлэж, хүнийг хогийн сав руу хаяж байна. Энэ асуудлыг хуульд тусгаж өгсөн үү. Төрийн соёмботой архи хүртэл үйлдвэрлэсэн. Өнөөдөр манай улсад хорт хавдраар маш олон хүн нас барж байна. Архидан согтууралтын улмаас гэмт хэрэг үйлдэгдэж байна.

 

Хууль зүй, дотоод хэргийн сайд Х.Нямбаатар: Манай улсад насанд хүрсэн хоёр эрэгтэй хүн тутмын нэг нь архины хамааралтай байна. Манай улсад архины донтой болсон 10 мянга гаруй хүн бий. Гэтэл албадан эмчилгээний ор 200 хүрэхгүй. Хуулийн гол агуулга бол архидан согтууруулах донтой тэмцэх Засгийн газрын сан байгуулах. Мөн бүтээгдэхүүний загвар дээр тодорхой шаардлагуудыг тавина. Ер нь бол цаашид төрийн бэлгэ тэмдэг агуулсан загварыг батлуулахгүй байхад анхаарна.