Улсын Их Хурлын хаврын чуулган өнөөдөр нээлтээ хийлээ. Энэ үеэр УИХ-ын гишүүн Э.Болормаагаас сэтгүүлчид холбогдоод буй асуудлынх нь талаар тодрууллаа. Тэрбээр "Шүүхээс хилийн хориг тавьсан гэсэн мэдээлэл авсан. Хилийн хориг бол надад эмзэглээд байх асуудал биш. Ах нарын хувьд магадгүй эмзэглэдэг зүйл байх. Юм үзээгүй, төрийн мөнгөөр гадагшаа явах дон туссан улсад эмзэглээд байх зүйл байх. Гадаад улс оронд би 10, 20 жил сураад, ажлаад ирсэн. Монголдоо байх шиг сайхан зүйл байхгүй. Та бүхэн анзаарвал хилийн хорих тавих хэмжээний асуудал огт биш. Энэ бол улс төрийн хэлмэгдүүлэлт. Сая тойргоор явж байхад иргэд, сонгогчид ч үүнийг сайн ойлгосон байна. Би ямар нэгэн байдлаар зайлсхийсэн зүйл огт байхгүй. Буруугүй гэдгээ нотлох материалаа өгсөн" гэв.