УИХ-ын байнгын хорооны хурлаар Хөдөлмөрийн тухай хуулийн шинэчилсэн найруулгыг хэлэлцэж байгаа юм. Энэ талаар УИХ дахь АН-ын бүлгийн дарга Д.Ганбат “Энэ хуулийг 1999 оноос хойш сайн өөрчилж чадалгүй явсаар өнөөдрийг хүргэсэн. Ардчилсан намын бүлэгт Ажлын хэсгийн ахлагч Ц.Мөнх-Оргил гишүүн тус хуулийн талаар мэдээлэл сайн өгсөн. Гэвч Засгийн газраас өргөн барьсан хуулийн төсөл УИХ-д 50-70 хувь өөрчлөгдсөн. Иймд Засгийн газрын гишүүн манай бүлэгт мэдээлэл өгч нягталж ярилцах ёстой гэж үзэж байна. Ардчилсан нам чөлөөт өрсөлдөөний зах зээл, хувийн өмчийг дэмждэг. Ажил олгогчдод хатуурхсан зүйл заалт байна. Иймд Хөдөлмөрийн тухай хуулийн хэлэлцэх асуудлаар гурав хоногийн завсарлага авч байна” гэлээ.