УИХ-ын гишүүд энэ оны чуулганы отгон хуралдаанаа хийж, хуулийн төслүүдийн эцсийн хэлэлцүүлгийг хийж, зарим хуулийн төслийг эцэслэн баталлаа. Өнөөдрийн хуралдаанаар Засгийн газраас өргөн мэдүүлсэн Авлигын эсрэг хуульд өөрчлөлт оруулах тухай хуулийн төсөл болон хамт өргөн мэдүүлсэн “Тогтоолын хавсралтад өөрчлөлт оруулах тухай тогтоолын төслүүдийн эцсийн хэлэлцүүлгийг хийж, баталлаа. Мөн хуралдаанаар Нийгмийн даатгалын шимтгэл төлөгчийг торгох шийтгэл, алдангиас чөлөөлөх тухай, Коронавируст халдвар /COVID-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулиудыг тус тус баталсан юм. 

Ингэснээр 2020 оны чуулганы хуралдаан өндөрлөж байгааг УИХ-ын дарга Г.Занданшатар мэдэгдлээ. Тэрбээр 2020 он цар тахалтай тэмцэх амаргүй жил байсныг онцлоод Үндсэн хууль хэрэгжиж эхэлсэн жил байсныг тодотголоо. Тэрбээр Цар тахалтай тэмцэх хуулийн хугацааг зургаан сараар сунгалаа. Мөн бага Үндсэн хууль хэмээн нэрлэгддэг Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийг баталснаар ирэх жилүүдэд засаг захиргааны томоохон шинэчлэлтийг хийнэ гэлээ. 

Түүнчлэн ирэх жил Ардын хувьсгалын 100 жилийн ой тохионо гэдгийг хэлээд эрхзүй, эдийн засаг, нийгмийн хувьсгал хийгдсэн он жил байх болно гэлээ.