Хянан шалгах түр хорооноос зохион байгуулж буй нотлох баримтыг шинжлэн судлах нээлттэй сонсгол хоёр дахь өдрөө үргэлжилж байна. “Эрдэнэс Тавантолгой” ХК-ийн шийдвэр гаргахад оролцсон ТУЗ-ийн долоон  гишүүнийг  гэрчээр дуудсан ч зургаан гишүүн ирээгүй. Харин “Эрдэнэс Тавантолгой” ХК-ийн ТУЗ-ийн хараат бус гишүүн П.Өлзийнаран ирсэн байна.

УИХ-ЫН ГИШҮҮН М.ОЮУНЧИМЭГ “Өглөөнөөс орой хүртэл маш хариуцлагатай сууж, материалаа уншиж байгаа гэдгээ хэлье. Түр хорооны даргад таалагдахгүй болохоор микрофон хаагаад байх аа болино уу гэж хүсмээр байна. Нүүрс баяжуулах үйлдвэр барих бол “Эрдэнэс Тавантолгой” ХК-ийн хамгийн чухал төсөл байсан. Үүний ашиглалтад орох хугацаа хоцрогдолтой байгаа. Хэд хэдэн удаа тендер буцаж, дахин шалгаруулсан, гэрээний нэмэлт өөрчлөлтүүд орсон зүйл харагдлаа. 2024 онд багтаад дуусаж чадах уу.

“Эрдэнэс Тавантолгой” ХК-ийн ТУЗ-ийн хараат бус гишүүн П.ӨЛЗИЙНАРАН: “Эрдэнэс Тавантолгой” ХК-ийн ТУЗ-д сууж байсан “том” дарга нар ирээгүйд харамсаж байна. Мэргэжлийн хүний хувьд эмзэглэж байлаа. Ямар ч судалгаа шинжилгээгүй, сэтгэлгүйгээр яг “нинжа” шиг ухаж ирсэн. Анх ажилд орсон цагаасаа “Суурь судалгааны ажлыг эхлээч” гэж хэлсэн. Сүүлд орсон гэрээний нэмэлт өөрчлөлтийг намайг ажлаа өгсөн цагаас хойш хийсэн байна.