• Өнөөдөр 2026-03-22

Б.ЖАВХЛАН: 4.9 их наядын 70 хувь нь цалин, тэтгэврийн нэмэгдэл байна

2023-11-13,   1342

                Монгол Улсын 2024 оны төсвийн талаар Сангийн сайд Б.Жавхлан мэдээлэл өглөө. 

            Энэ үеэр Сангийн сайд Б.Жавхлан дараах мэдээлэл өглөө. Тэрбээр, "Өнгөрсөн баасан гарагийн УИХ-ын чуулганы нэгдсэн хуралдаанаар 2024 оны Монгол Улсын төсвийн хууль баталлаа. Хугацаандаа амжиж баталлаа. 2022 оны өдийд буюу жилийн өмнө Монгол Улсын эдийн засгийн өрийн нөхцөл байдал, ялангуяа гадаад өрийн асуудал, төсвийн орлого бүрдүүлэлт, валютын албан нөөц маш хүнд байсан. Ингээд Монгол Улсын Засгийн газраас есдүгээр сараас хатуу боловч, шат дараатай арга хэмжээ авч ажилласан. Ялангуяа нүүрс дагасан, далд эдийн засагтай хэсэгт нэлээдгүй тэмцэл өрнүүлсэн. Олон үйл явдал болсон. Ингэсний үр дүн гарсан. Дээр дурдсан гол гурван үзүүлэлт бүгд сайжирсан байдаг. Нэгдүгээр сард дефолт болох эрсдэлээс бие дааж бүрэн гарч чадсан.
                      Төсвийн тодотголоор цалин, тэтгэвэр, тэтгэмж нэмсэн. 1.9 их наяд төгрөгийн тодотгол хийсэн. Түүхэндээ анх удаа төсвийн давсан орлогоо тодотгол хийсэн нь энэ. Үүнээс 1.5 их наяд нь энэ жилийн сүүлийн хагаст цалин, тэтгэвэр, тэтгэмж нэмэхэд зориулагдах зардал байлаа. Эдгээр нэмэгдлийг бүтэн жилээр нь баталгаажуулж оруулах суурь зардал шингэсэн. Энэ зардал нийт 3.4 их наяд болж байгаа. Үүнийг хэн ч халамж гэж хэлэхгүй байх гэж бодож байна. Ирэх жилийн төсвийн зарлагын 4.9 их наядын 70 хувь буюу 3.4 их наяд нь цалин, тэтгэвэр, тэтгэмжийн нэмэгдэл.
            Ирэх жилээс Боловсролын багц хууль болон Нийгмийн даатгалын багц хууль хэрэгжиж эхэлнэ. Эдгээр хуулиудыг дагаад шууд зардал нэмэгдэж байгаа зүйл бий. Мөн олимп, сонгууль гэхчлэн удаагийн арга хэмжээнүүд бий. Эрдэнбүрэнгийн УЦС-ын нөхөн олговрууд ч туссан.
 
              4.9 их наядын 300 тэрбум буюу 5 хүрэхгүй хувь нь өмнөх жилийнхээс нэмэгдэж буй хөрөнгө оруулалтууд. Эрчим хүч, зам тээвэр, дэд бүтэц зэрэг өндөр өртөг шаардлагатай зүйлүүддээ бид гадаад зээл тусламж ашиглахаас өөр арга байхгүй. Ирэх жил шинж сэргэлтийн бодлогын хүрээнд ялангуяа эрчим хүч, аж үйлдвэрийн сэргэлтийг дэмждэг зам тээврийн салбарт томоохон хөрөнгө оруулалтын жил байх болно. Зарим тоо дурдвал,
 
                 Эрчим хүчний салбарт 1.1 их наяд төгрөгийн санхүүжилт хийгдэнэ. Төсөв болон гадаад зээл тусламж нийлээд гэсэн үг. Ингэснээр 10-13 хувиар нөөц нэмэгдэнэ.
Зам тээврийн салбарт  хоёр их наяд төгрөгийн хөрөнгө оруулалт хийгдэж, 1000 гаруй замын эхлэл болон үргэлжлэл хийгдэнэ. Мөн 350 тэрбум төгрөгөөр анх удаа их засвар хийнэ. Үүнийг дэлхийн банкны урт хугацааны хөнгөлөлттэй зээлээр санхүүжүүлнэ. 2000 оноос эхэлсэн мянганы зам 2022 онд амжилттай дууссан. Энэхүү 7000км урт улсын чанартай зам эхнээсээ засвар нэхээд эхэлсэн. ЗТХЯ-ны гаргасан тооцооллоор жилд 500 тэрбум төгрөг шаардлагатай.
 
 ссБХБЯ-нд шилжих, шинээр нийлээд 700 тэрбум төгрөгийн хөрөнгө оруулалт хийгдэнэ. сХойд, урд хоёр хил дээр барилгын материалын чанар шалгах байгууламж баригдана.
Эрүүл мэндийн салбарт бид зураг төсөл нь хийгдсэн эмнэлгийн цогцолборуудыг эхлүүлж байгаа. Жишээлбэл, Эрхтэн шилжүүлэн суулгах эмнэлгийн цогцолбор нэгдүгээр эмнэлгийн хашаанд баригдана. Манайх өөрсдөө хийсэн маш сайн ТЭЗҮ-тэй. Гурван жилийн дараа гэхэд өөрсдийн гэсэн үндэсний томоохон эмнэлэгтэй болно.
 
 Соёлын төвүүдийг хүмүүс шүүмжлэх хандлагатай байдаг. Үүн дээр би эсрэг байр суурьтай байна. Улаанбаатар хотын иргэд соёлын томоохон байгууллагуудаар үйлчлүүлээд хөдөө орон нутгийнхан хоцордог байж болохгүй. Улаанбаатар хот руу чиглэсэн нүүдлийг зогсоохын тулд соёлын бүхий л үйлчилгээгээр хангаж өгөх ёстой" гэв.

Б.ЖАВХЛАН: 4.9 их наядын 70 хувь нь цалин, тэтгэврийн нэмэгдэл байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.