УИХ-ын дарга болон УИХ дахь намын бүлэг, зөвлөлийн, байнгын хороодын дарга нар чуулганы танхимд, бусад гишүүд байнгын хороодын хуралдааны танхимд сууцгаажээ. Хуралдаанаар УИХ-ын Дэгийн тухай хуульд нэмэлт өөрчлөлт оруулах хуулийн төслийг хэлэлцэх эсэхийг шийдэж байна.  Цаг үеийн нөхцөл байдалтай холбогдуулан чуулганы хуралдааны цахимаар хуралдуулах хуулийн төслийг гишүүн Д.Лүндээжанцан санаачлан өргөн барьсан юм. Хэлэлцэж байгаа асуудалтай холбогдуулан гишүүд асуулт тавьж, хариулт авлаа. Өнөөдрийн хуралдаанд  57 гишүүн оролцож таван танхимаас гишүүд хуулийг төслийг дэмжих эсэхээ  гар өргөн санал  өгснөөр шийдвэрлэлээ  Ингээд Д.Лүндээжанцан санаачлан өргөн барьсан  УИХ-ын Дэгийн тухай хуульд нэмэлт өөрчлөлт оруулах хуулийн төслийг  хэлэлцэх эсэхийг  46 гишүүн дэмжиж 80.7 хувийн саналаар дэмжин анхны хэлэлцүүлэгт бэлтгүүлэхээр байнгын хороонд шилжүүллээ