Ерөнхий сайд У.Хүрэлсүх өнгөрсөн ням гарагт мэдээлэл хийх үеэрээ Эрүүгийн хуульд нэмэлт өөрчлөлт оруулж, "худал" мэдээлэл түгээсэн хэргээр сэтгүүлчид 1-5 жил хорих ял, хэвлэл мэдээллийн байгууллагад 10-80 сая төгрөгийн торгууль оногдуулдаг болох талаар сэтгүүлчдийн асуусан асуултад хариулт өгсөн юм. Тэрбээр "Сэтгүүлчдийг торгох шийтгэхээс илүүтэй, олон улсын жишигт нийцсэн арга хэмжээ авмаар байна. Сэтгүүлчдийн ёс зүйн хороо гэж байдаг. Тэр хороогоор нь хэн нэгнийг доромжилсон бол асуудлаа ярьдаг байх нь зөв гэж Ерөнхий сайдын хувьд боддог.

Аль болох хүний эрх, хэвлэн нийтлэх эрх чөлөөг хамгаалж ажиллана. Хэвлэл мэдээллийн салбар гэдэг бол манай дөрөв дэх засаглал учир хүндэтгэлтэй хандах хэрэгтэй. Сэтгүүлчид маань мэдээж хариуцлагатай байх хэрэгтэй" гэсэн юм.