Засгийн газар 2020.12.01-ний өдөр өргөн мэдүүлсэн Монгол Улсын хууль тогтоомжийг 2024 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төслийн танилцуулгыг хийсний дараа УИХ-ын гишүүд асуулт асууж, хариулт авч байна. Тухайлбал, 

УИХ-ЫН ГИШҮҮН Ш.АДЬШАА “Хууль тогтоомжийн төслийг дэмжих боломжгүй байна. Х.Нямбаатар гишүүн УИХ-ын гишүүдийг даапаалсан байдлаа болих хэрэгтэй. Х.Нямбаатар, С.Бямбацогт хоёрын ярьж байгаа зүйл бодит амьдралд тэмээ, ямаа шиг зөрүүтэй байна. Х.Нямбаатар та өнөөдөр Оюутолгойн тухай, Эрдэнэтийн 49 хувийн талаар та юу ч ярихгүй байна. Бид ард түмнээс мандат авсан УИХ-ын гишүүд шүү. Хууль тогтоомжийн тухай хуульд хэзээ өөрчлөлт оруулах вэ” гэхэд 

ХУУЛЬ ЗҮЙ, ДОТООД ХЭРГИЙН САЙД Х.НЯМБААТАР “Зөрчлийн тухай хуулийн шинэчилсэн найруулгад давхардсан олон зүйлүүдийг нэгтгэх асуудал орж ирж байгаа. Ш.Адьшаа гишүүн та байнга над руу давшлах юм” гэсэн тайлбарыг өгөв. 

Мөн УИХ-ЫН ГИШҮҮН Ж.СҮХБААТАР “Хүчирхийлэл эмэгтэйчүүдийн асуудал биш. Эрчүүд дуу хоолойгоо өргөх хэрэгтэй. Хүчирхийллийн эсрэг бодлого маш чухал байна. Үүний эсрэг дуу хоолой УИХ-ын танхимд байх ёстой. Шударга ёсыг нухчан дарж байгаа газар хүчирхийлэл гаарч байдаг. Хүчирхийллийн эсрэг гишүүд нэгдэж байна. Хүчирхийллийн эсрэг тэмцэх үг үйлдэл нь ганцхан цаасан дээр байж болохгүй. Бодит үйлдлийг хийх ёстой. Бид хамтдаа хичээж байж хүчирхийллийг таслан зогсооно. Тиймээс энэ хууль тогтоомждоо хүчирхийллийн эсрэг асуудлыг тусгаж өгөхийг хүсэж байна” гэлээ.