УИХ дахь МАН-ын бүлгийн дарга Д.Тогтохсүрэн мэдээлэл өглөө.

           Тэрбээр “Сонгуулийн тухай хуульд нэмэлт өөрчлөлт оруулж, өнөөдөр баталсан. Үндсэн хуулийн дагуу бид сонгууль болоход жилийн өмнө  энэ хуулийг баталсан байх ёстой дагуу өнөөдөр энэхүү хуулийг баталлаа. Нэгдүгээрт, гишүүдийн тоо нэмэгдэж байгаа, сонгуулийн тогтолцоо холимог болж байгаа. Үүнтэй холбоотойгоор шинэчлэх шаардлага үүссэн. Бид бүх шинэчлэлийг хийлээ. Гадаад байгаа иргэд саналаа өгөх зохицуулалт, сонгуулийн дүн гаргахтай холбоотой зохицуулалт шинэчлэгдэж орж байна. Сонгуулийн хуульд 2024 онд нэр дэвшигчийн жендэрийн квлтыг 30 хувь, 2028 онд 40 хувьд хүргэхээр хууль баталсан.  Тойрог мандатыг сонгуулийн жилийн хоёрдугаар сарын 1-ны дотор УИХ батална. Энэ удаагийн сонгуулиар намын жагсаалтаар нэр дэвшиж байгаа хүмүүсийг сурталчилна. Гэхдээ суртчилгааг зөвхөн нам эвсэл нь хийнэ.Мөн бид зардал бууруулах олон арга хэмжээ авсан. Ингэхдээ ухуулагчийн тоог эрс багасгасан, ухуулагчдад өгөх зардлын хэмжээг бууруулсан, сонгуулийн суртчилгааны самбарыг нэгдсэн самбартай болгосон. Сонгогчдын дөрвөн хувийн санал авсан нам намын жагсаалтаар нэр дэвших буюу суудал хувиарлалтаар суудал авах бололцоо бүрдэж байна. Мөн Улс төрийн намын хууль дараагийн долоо хоногт орж ирнэ. УИХ-ын гишүүн асан Ж.Мөнхбатын тойрогт нөхөн сонгууль явуулэх эсэхийг ойрын үед Төрийн байгуулалтын байнгын хороогоор ярих байх" гэв.